http://cowag.org/

Bannaghtyn

Adrian

Cre nee’m ec yn jerrey shiaghtin? – What will I do at the weekend?

Jeheiney nee’m gynsaghey Gaelg ec yn Thie-tashtee ayns Doolish. Bee’m ec yn thie-tashtee eddyr daa-yeig  as jees as lurg shen nee’m goll dys thie Vrian Stowell. Nee’m loayrt rish Brian rish tammylt (for a while) as lurg shen nee’m gimman dys Tesco. Cha mie lhiam Tesco as cha mie lhiam shappal ayns Tesco agh nee’m shappal ayns Tesco er yn oyr dy bee’m ayns Doolish. Nee’m kionnaghey ram bee as jough. Lurg shen nee’m gimman dy valley as bee’m erash ayns Purt le Moirrey mysh kiare. Nee’m gobbraghey rish tammylt er my cho-earrooder (Computer) as mysh queig nee’m goll dys yn Oik-postagh. Nee’m cur shilley er my vummig as nee’m shooyl dy valley. Cha jeanym monney Oie Jeheiney. Cha jeanym jeeaghyn er monney er yn çhellveeish er yn oyr dy bee’m skee agglagh as nee’m goll dy lhie mysh jeih.

Moghrey Jesarn nee’m girree mysh shiaght as mysh jeih nee’m çhellvaney er (telephone) my charrey  ta cummal ayns Rhumsaa. Cha nee Manninagh eshyn agh s’mie lesh cummal as gobbraghey ayns Rhumsaa. By vie lhiam cur shilley er ayns Shiaghtin. Mysh nane-jeig neemayd (mish, my ven as my vac) shooyl dys Purt Çhiarn. Neemayd goll dys yn thie-bee ‘Bohemian’ son bee. Nee’m gee awree-eeast (fish soup) as bee eh yindyssagh. Lurg ‘Bohemian’ Neemayd goll dys Shoprite as yn çhapp MEA as nee’m kionnaghey stoo son my vummig. Nee’m kionnaghey cuirrey (kettle) er e son. Neemayd shooyl dy valley as oie Jesarn nee’m coagyrey Curree Braddan (Salmon Curry). Bee eh yindyssagh. Nee Orry goll dy lhie mysh hoght as ec nuy nee’m goll dys yn Albert son jough ny ghaa. Bee kiaull yindyssagh ayn. S’mie lhiam geaishtagh rish Kiaull Manninagh agh cho noddym cloie eh. Nee’m giu Campari as nee James kionnaghey Campari elley er my hon. Nee’m loayrt Gaelg rish caarjyn as bee’m maynrey dy liooar. Bee eh feer vie agh bee’m beggan skee as nee’m goll dy lieh mysh nane-jeig. Cha bee’m scooyrit agh er-lhiam dy bee ram sleih elley scooyrit.

Nee’m jeeaghyn er bluckan coshey er iPlayer moghrey Jedoonee as mysh jeih nee’m shooyl dys Creneash. Bee laa braew ayn.  Cha bee eh feayr as cha bee eh ceau. Neemayd  kionnaghey tiggadyn as neemayd geddyn (get) moot. Neemayd fakin sleih daunsey (dancing) as neemayd fakin Kirree Loaghtan agh cha jeanym taggloo roo. Bee ram sleih ayns Creneash agh cha jeanmayd tannaghtyn foddey (long). Lurg Creneash neemayd shooyl sheese (down) yn Darrag as neemayd fakin shenn (old) thie Nigel Mansell. T’eh agglagh. Beemayd erash ec my hie mysh daa-yeig as neemayd gee tooilley (more) Curree Braddan. Bee’m skee agglagh fastyr Jedoonee. Nee’m jeeaghyn er  yn Simpsons as nee’m cadley beggan as lurg shen nee’m goll son shooyl marish Orry. Bee’m erash ec my hie mysh kiare as nee’m gobbraghey beggan as ec queig nee’m coagyrey pieyn Linda McCartney lesh praasyn as lossreeyn (potatoes and vegetables).  Bee eh mie dy liooar agh cha bee eh cho mie as (as good as) Curree Braddan.

Oie Jeheiney cha jeanym  monney. Nee’m surfal beggan er yn Eddyr-voggyl (Internet) agh cha jeanym jeeaghyn er Mad Men er yn iPLayer. S’mie lhiam Madmen as er-lhiam dy vel eh ny share na claare erbee elley (it’s better than any other programme). Shegin dou (I have to) jeeaghyn er  dy gerrid. Nee paitçhyn çheet dys my hie Oie Jedoonee as nee ad goaill arrane carryn (tunes) Hop tu Naa. Bee ad feer vie as nee’m cur miljyn daue (I gave them sweets). Nee’m lhiah liooar ayns Gaelg oie Jedoonee rish tammylt. Screeu Chris Lewin yn Lioar as t’eh yindyssagh. Ansherbee, Nee’m goll dy lhie mysh jeih er yn oyr dy bee’m skee agglagh as nee’m cadley gollrish babban.

Listen to the story here:

cre neem ec yn jerrey shiaghtin

Trevor Baines

Yn oie roish e chooish-leigh, yn eear ard-ghelleyder Trevor Baines, ghow eh rish dy gheid eh ny shlee na nuy cheead meeilley punt.

Mnr Baines, ta tree feed as un vlein jeig dy eash as veih Raad Strooan ny Keylley ayns Doolish, ayns y toshiaght v’eh er nobbal dy ghow eh nuy cheead, queig as feed meeilley punt.

As dobb e ven Wendy dy dooar ee queig as daeed meeilley punt liorish molteyrys.

Nish ta’n jees oc er phleadeil kyndagh rish ny kerryn.

Erreish daue v’er chaghlaa nyn aghinyn, ta Trevor Baines ayns pryssoon foast kyndagh rish cooishyn elley, as ta’n ven echey seyr fo raane.

Hed y jees oc er deyrey ec y jerrey jeh cooish-leigh ghow toshiaght moghrey jea (Jemayrt) ec thie quaiyllagh Ghoolish.

Y leighder Jenny Holt, v’er naghtey roish shoh ass lieh yn chubbyl, ta cassid jeant urree dy ren ee reddyn noi cairys theayagh, foalsaghey ny keiltyn docamadyn, as goll stiagh ayns coardailys.

Defendants change their pleas

On the eve of his trial, former business tycoon Trevor Baines admitted stealing more than £900,000.

The 71-year old, of Woodbourne Road in Douglas, had initially denied taking £925,000 while his wife Wendy denied obtaining £45,000 by deception.

Both have now pleaded guilty to the charges

After changing their pleas, Trevor Baines remains in custody on other matters while his wife is on bail.

Both will now be sentenced at the conclusion of a trial which began yesterday morning (Tuesday) at Douglas courthouse.

Advocate Jenny Holt, who had earlier acted on behalf of the couple, is charged with doing acts against public justice, falsifying or concealing documents and entering into an agreement.

Listen to the sound file here:
Jerrey geuree 2011

gaelg vio 19

Billy

Obbyr: Dooinney-aitt          Eash: 53

Cummal: 37  Bayr Valleycashtal, Purt Çhiarn

S’mie lesh: Ginsh spotçhyn as cloie Poker

Lught thie: T’er er ve poosit daa cheayrt. V’eh poosit rish Barbara agh t’ad scarrit nish as nish t’eh poosit rish Paaie

Ta un ‘neen echey, Mona (30). T’ee sooree er William Kennish as ta daa vac oc. Alan (8) as Richard(6). T’ad ooilley cummal ayns Rhumsaa as ta Alan as Richard goll dys Scoill Ree Gorree

Moir. Hooar ee baase jeih bleeaney er dy henney

Ayr: T’eh foast cummal ayns Doolish. T’eh 88

Cha nel braaraghyn echey agh ta un çhuyr, Voirrey (50) Ta Voirrey ny ben vie. T’ee cummal ayns Kiondroghad marish e dooinney, Jack as ta tree mec oc: John (20); James (17);  Paul (15).
Ta Voirrey as Jack maynrey cummal ayns Kiondroghad.
Ta Voirrey kenjal as doaieagh as ta sooillyn aalin eck. T’eh ny s’aaley na Billey!                                                    

Voirrey voish Purt ny h-Inshey

Ennym: Voirrey Casement

Obbyr: Boandyr       Eash: 30

Cummal: 21 Raad ny Killagh, Purt ny h-Inshey

S’mie lhee: goll magh er yn jough as cloie badminton

Lught thie: Cha nel ee posit agh t’ee sooree er Bobby Mylrea voish Ballabeg.
Cha nel paitçhyn eck foast agh t’ee torragh.

Moir. T’ee foast bio as cummal ayns Laksaa. T’ee 58. Cha mie lesh Voirrey e moir er yn oyr nagh mie lesh e moir Bobby Mylrea! Ta ny paarantyn scarrit nish.

Ayr: T’eh cummal ayns Doolish as t’eh sooree er ben elley nish.

Braar: Billy. S’mie lesh dagh ooilley pheiagh Billy. T’eh 34 as t’eh cummal ayns Colby marish e ven as daa vac. T’eh ny whooinney yindyssagh Billy. T’eh kenjal, gennal as feoilt as t’eh ny whooinney aitt. T’eh ard agh t’eh beggan rouyr nish. Ta folt doo echey as s’mie lesh Billy ny ratçhyn TT. Ta daa vac echey enmyssit Tommy as Kerron. Ta Tommy 3 bleeaney as ta Kerron 6 mee.